೧
ಮೋರಿ ಕಟ್ಟಿಕೊಂಡಿತ್ತು. ಅದನ್ನು ಸರಿ ಮಾಡಕ್ಕೆ ಒಬ್ಬನನ್ನು
ಕರೆಸಿದ್ದರು.. ಅವನನ್ನು ಕಂಡು ಪಾಪ ಬೆಳಗ್ಗಿಂದ ಕೆಲಸ
ಮಾಡಿ ದಣಿದಿದ್ದಾನೆ ಅಂತ ಅವನಿಗಾಗಿ ಬಿಸಿ ದೋಸೆ , ಮತ್ತೆ ಟೀ ತಗೊಂಡು ಹೋಗಿ ಕೊಟ್ಟು.
`ನೋಡಪ್ಪ. ದೋಸೆ
ಟೀ ಇದೆ ಕೈತೊಳೆದುಕೊಂಡು ತಿಂದು ಕೆಲ್ಸ ಮಾಡು'
ಅಂದೆ.. ಅವನು ದೋಸೆ ತಟ್ಟೆ ನೋಡಿ `ಅಮ್ಮಾ , ಒಂದು ಪೇಪರ್ ನಲ್ಲಿ ಹಾಕ್ಕೊಡಿ, ನಾನು ನಿಮ್ಮ ತಟ್ಟೆಲಿ
ತಿನ್ನಲ್ಲ' ಅಂದ ನಾನು ` ಯಾಕೆ? ತಿನ್ನು ಪರವಾಗಿಲ್ಲ ಅಂದೆ ಅದಕ್ಕವನು ನೀವು ಮೇಲ್ಜಾತಿ. ನಮ್ಗೆ ನೀವು
ಬಳಸೋ ತಟ್ಟೆ ಕೊಡ್ಬೇಡಿ ನಂಗೆ ಒಂದ್ ಪೇಪರ್ ನಲ್ಲಿ ಹಾಕ್ಕೊಡಿ ಸಾಕು. ಅಂದ `
ನಂಗೆ ಇಷ್ಟವಾಗಲಿಲ್ಲ`
``ಇದರಲ್ಲೇ ತಿನ್ನು ಪೇಪರ್ ನಲ್ಲಿ ಹಾಕಲ್ಲ....'' ಅಂತ ಹೇಳಿ ಬಂದೆ.
೨
ಹೋದ ವಾರ ದೇವಸ್ಥಾನಕ್ಕೆ ಹೋಗಿದ್ದೆ.. ಅಲ್ಲಿ ದೇವರ ದರ್ಶನವಾದಮೇಲೆ
ತೀರ್ಥ ತೆಗೆದುಕೊಳ್ಳಲಿಕ್ಕೆ ಕ್ಯೂ ನಿಂತೆ. ಸ್ವಾಮೀಜಿಯವರು ಮಡಿಯಲ್ಲಿ ತೀರ್ಥ ಕೊಡುತ್ತಿದ್ದರು. ಅಕಸ್ಮಾತ್ ಆಗಿ ಅವರ ಕೈ ನನ್ ಕೈಗೆ ತಗುಲಿತು..( ಅವರ ಅಚಾತುರ್ಯದಿಂದಲೇ) ಅವರು ಕೋಪ
ತಿರಸ್ಕಾರಗಳಿಂದ ದುರುಗುಟ್ಟಿ ನನ್ನ ನೋಡಿ ` ದೂರ.. ದೂರ...'' ಅಂತ ಕಿರಿಚಿದರು.. ನಂಗೆ ಶಾಕ್
... ಅವಮಾನದಿಂದ ಕಣ್ಣು ತುಂಬಿಕೊಂಡು ಹಾಗೇ ಹಿಂತಿರುಗಿ
ಬಂದೆ...
ಈ ಎರಡೂ ಸಂದರ್ಭದಲ್ಲೂ ನಾನು ನಾನೇ ಆಗಿದ್ದೆ.. ಆದರೆ ಮೊದಲ
ಸಂದರ್ಭದಲ್ಲಿ ನಾನು ಹೇಗೆ ಆ ಕಷ್ಟಜೀವಿ ಮನುಷ್ಯನಿಗಿಂತ ಉತ್ತಮಳಾದೆ? ಹಾಗೂ ಇನ್ನೊಂದು ಸಂದರ್ಭದಲ್ಲಿ ಹೇಗೆ ಯಾಕೆ ನಿಕೃಷ್ಟಳಾದೆ?
ತಿಳಿಯುತ್ತಿಲ್ಲ
*******************************
ತುಂಬಾ ಸೊಗಸಾದ ನಿರೂಪಣೆ. ಯೋಚನೆಗೆ ಹಚ್ಚುವಂಥಾದ್ದು.
ಪ್ರತ್ಯುತ್ತರಅಳಿಸಿ