ಹೀಗೊಂದು ಜಾಹೀರಾತು:

 ಗಾಂಧಾರಿ ಬಳಸುತ್ತಿದ್ದ  ಲಕ್ಷಾಂತರ ಕಣ್ಣಿಗೆ ಕಟ್ಟುತ್ತಿದ್ದ ಬಟ್ಟೆಗಳು ದೊರೆತಿವೆ!! ಅಮೂಲ್ಯವಾದ ರೇಶ್ಮೆ ಬಟ್ಟೆಗಳು, ಮನಮೋಹಕ ಬಣ್ಣಗಳಲ್ಲಿ, ಸುಂದರ ಕಸೂತಿಗಳನ್ನೊಳಗೊಂಡ ಬಟ್ಟೆಗಳು ಈಗ   ಮಾರಾಟಕ್ಕಿವೆ.....

  ಉಪಯೋಗಗಳು ಏನೆನ್ನುವಿರಾ?

ಒಂದೇ ಎರಡೇ?  ಹಲವಾರು ..ನೀವಿದನ್ನು ಕಣ್ಣಿಗೆ ಕಟ್ಟಿಕೊಂದರೆ ನಿಮ್ಮ ಸುಂದರ ಕಣ್ಣುಗಳಿಗೆ ಕಸ ಬೀಳದು..  ಸೂರ್ಯನಿಂದ ಬರುವ  ಅತಿ ನೇರಳೆ ಕಿರಣಗಳಿಂದ ರಕ್ಷಣೆ.. ನಿಮ್ಮ  ಉಡುಪಿಗೆ ಸರಿಯಾದ ಮ್ಯಾಚಿಂಗ್ ಕಣ್ಣು ಪಟ್ಟಿ ನಿಮ್ಮ ಸೌಂದರ್ಯವನ್ನು ಹೆಚ್ಚಿಸುತ್ತದೆ

 ಅಷ್ಟೇ ಅಲ್ಲ..

 ನಿಮ್ಮ ಸುತ್ತಮುತ್ತ ಇರುವವರ ಮುಖದಲ್ಲಿ ನಿಮ್ಮಬಗ್ಗೆ ತಿರಸ್ಕಾವೋ. ಅಸೂಯೆಯೋ, ಕ್ರೋಧವೂ ಇದ್ದರೆ ಅದು ನಿಮಗೆ ಕಾಣುವುದಿಲ್ಲ..

ಇನ್ನೂ ಇದೆ..

ಸುತ್ತಾ ನಡೆಯುವ  ಆರಕ್ಷಕರ ಅವ್ಯವಹಾರಗಳು ,  ಮಂತ್ರಿಗಳ ಮೋಸಗಳು,   ದೇಶ ಸೇವೆಯ ಹೆಸರಲ್ಲಿ ದೌರ್ಜನ್ಯಗಳು, ರಾಜ ಕಾರಣದ ಹುಳುಕು ಕೊಳಕುಗಳು  ನಿಮಗೇ ಕಾಣಿಸದೇ ಕಾಣಿಸದು..

 ನೀವು ಆರಾಮವಾಗಿ ``ನಾನು ರಾಮ ರಾಜ್ಯದಲ್ಲಿದ್ದೇನೆ ...''ಎಂಬ ಸುಂದರ ಭ್ರಮಾ ಲೋಕದಲ್ಲಿ ವಿಹರಿಸುತ್ತಿರಬಹುದು.

 ಬೇಕಿದ್ದರೆ ಸಂಪರ್ಕಿಸಿ..

 ವಿ.ಸೂ.. ಕಪ್ಪು ಪಟ್ಟಿ ಮಾತ್ರ ಲಭ್ಯವಿಲ್ಲ.. ಅದನ್ನು ನ್ಯಾಯದೇವತೆ ತುಂಬಾ ಹಿಂದೇ  ತೆಗೆದುಕೊಂಡಿದ್ದಾಳೆ...